మా మంచి మస్తాన్ గారికి
మరు మల్లియ లాంటి స్వచ్చతను
చేసుకున్నారు మీ మనసుకు సొంతం.
హరివిల్లులాంటి చిరునవ్వును
మీరు పంచారు జీవితాంతం.
మంచి నేర్పారు, దారి చూపారు
ముగ్గురు పిల్లల్ని ముత్యాల్లా చేశారు.
మనిషిలో భయమే, మంచి తాపత్రయమే దేవుడన్నారు
మూడు మతాల మంచిని ముచ్చటగా చెప్పారు.
చిన్న పిల్లవాడి మనసున్న మిమ్మల్ని
వున్న పిల్లలలోనే చూసుకోమంటూ,
మంచి వాళ్ళని వదలి ఉండలేని దేవుడు
మరు లోకాలకు మిమ్మల్ని తీసుకెళ్ళాడు... మరీ తొందరగా...
.
.
